美國喺2023年一月開始，正式實施針對「外國人投資PTP類型公司」的新稅法政策，我地要喺餘下嘅時間，決定做咩行動。
咁咩係PTP？
PTP，即係 Public Traded Partnership(公開交易合夥企業)，是美國公司的一種架構，其他常見嘅公司架構模式，仲有Corporation(公司)和Limited Liability Companies(有限責任公司)等。
唔少美國的私募基金都會用PTP的架構，而一啲房產、能源、礦業等其他行業，都有用PTP架構，聽講因為可以慳稅，所以PTP類型的ETF也將受到此次政策生效的影響。
咁呢個新稅法政策係點？
根據一啲券商平台嘅訊息，喺2023年1月1日起，政策生效後，對於非美國籍投資者，持有或出售、交易或轉移PTP相關證券時，將要繳交以下嘅税項。
賣出、交易或轉移PTP相關證券時，按交易總金額10%扣繳預扣税；
個人和機構在獲得股息分配時要交股息稅。
美國國稅局IRS係無完整清單，所以邊啲股票/ETF會受影響，其實都無一張官方名單。而美國上市發行的PTP 股份或ETF等標的，亦會隨時變動，可能會有公司新註冊PTP類型，或是原本是PTP模式的公司改變註冊類別。
而家距離12月底得返好少時間，所以大家要把握時間。唔好諗住你大把錢，交稅都唔怕，因為券商平台都講明，過左2023年，可能連平倉都做唔到。例如我問過富途，要留意幾個日期，禁止買入PTP，禁止賣出PTP，同埋完全禁止交易PTP。
至於美股嘅其他稅項，非美國投資者，填左份W-8 BEN就唔使交資本利得稅，但要交30%股息稅。
記得12月底前要處理好，出年再買美國ETF可能選擇會少左好多。當然，發行商有機會會改變策略，大家唯有到時再留意。