銀行審批按揭時,其中一個考慮因素係借款人的還款能力。最常參考就係借款人嘅薪金收入,但若然借款人並非打工仔,又或者已經退休,又有咩方法可以借到按揭?
審批按揭有兩種方式 客人吳先生持有一層現契物業,價值$1300萬,現打算用太太首置身份再添置一個價值$800萬物業。
由於吳先生及太太已經退休沒有工作,故未能提供收入證明予銀行申請按揭,於是乎找筆者求救。
銀行審批按揭有兩個方式,第一種就係入息審批按揭,客人需要符合DSR要求及壓力測試。不涉及按揭保險,一般情況$1000萬以上物業最多可做5成按揭,而$1000萬以下物業則最多做6成按揭及上限$500萬。
而除咗入息審批外,另一種是以資產審批,以資產審批最高按揭成數為4成,最重要嘅係資產審批按揭並不用通過壓力測試。
資產審批按揭為好多「有資產,無人工」業主提供一個套現出路。
資產審批成無收入人士出路 到底吳先生最後如何實現「零首期」買入第二個$800萬物業呢?
首先,吳先生可以用資產審批按揭,從價值$1300萬的現契物業中套現4成即$520萬。
然後,加上流動現金$280萬,先Full Pay買入$800萬物業。當物業成交後,再將$800萬物業以資產審批方式套現4成即$320萬。
吳先生只係需要有$280萬過渡用作成交新物業,其後$280萬將會拎返到手,即是話整個過程,吳先生可以係$1蚊都無從自己口袋拎出嚟,完美地解決吳先生的煩惱。而印花稅$30萬(3.75%)亦可從物業中套現繳付,唔使自己現兜兜拎出嚟。
不過大家需要注意,對於資產審批按揭不同銀行都有唔同的批核準則,上述例子只供參考。
相關
本文所提供的信息僅供一般參考之用,並不構成任何個人化的投資勸誘或建議。作者沒持有以上提及的股票。 HK MoneyClub (www.hkmoneyclub.com)