電視廣播TVB（0511）近日傳出管理層變動消息，資深傳媒人郭志仁周三（11日）Facebook發文指，「聽聞大台好快會有變動」，提及TVB總經理（節目內容營運）曾志偉將會先休息，「林家棟會返去幫手，都99.9%肯定」。電視廣播TVB回覆查詢時稱，對於郭志仁在完全沒有事實根據的情況下，對一家上市公司的管理層狀況進行公開揣測及確定，本台感到匪夷所思並深感遺憾。
TVB表示，郭志仁身為一位資深的傳媒人，理應堅守真實、客觀和公正的原則，「然而郭先生卻選擇以不專業的方式散播尚未證實的謠言。對此，本台表達強烈的譴責，並將嚴肅追究其相關責任」。
郭志仁周二Facebook 發文，但遭TVB強烈否認，郭志仁內容如下︰
聽聞大台好快會有變動：
1. 曾志偉應該會休息吓，聽聞佢之前都有同人講，做完港姐都想唞吓。
2. 之前有傳林家棟會返去幫手，都99.9%肯定。
3. 資深傳媒人關偉好大機會睇新聞資訊。
4. 邵氏會有人主持大局。
5. 會分番幾位總經理。
6. 當然，大台喺10月8號都出過聲明否認。我都收到未經核實嘅PM，話希望我撤回訊息，咁我梗係要核實咗對方身分先啦，因為佢連我個名都寫錯咗。
傳媒之間以禮相待，我又唔介意配合，等到正式有公布，再睇吓我個post可唔可以出多次。
汪明荃近日出席活動接受傳媒訪問時表示：「其實我又唔清楚佢係唔係會返嚟，好似係未經證實。（傳林家棟返嚟曾志偉唔做？）我唔知道，因為未有官方嘅公布，咁所以我唔會信囉。（林家棟回巢會唔會係一件好事？）我都唔知道佢有邊方面嘅長處，咁所以我係好難去評論。」
原文
你或許有興趣【資金走流】路透社：中國明確禁內地投資者本土開立離岸交易帳戶【金融中心】澳新銀行CEO：新加坡相對跑贏香港【國家隊】匯金過去6次出手增持內銀股，歷史表現如何？【專家分析】油價易跌難升，中海油50天線甚關鍵【以巴戰爭】歐盟去信馬斯克，警告X散播假消息
如欲觀看更多相關文章，請瀏覽 Market Digest
