之前會短炒股票,諗住賺少少就會即刻走,但係overall真係有蝕錢,所以依家諗住做返個月供股票計劃。
而加有幾個問題想請教下,講返少少背景先:
我同我男朋友一齊夾錢買樓,打算出租一年,第二年收返來自住。下個月開始就要每人月供各1萬樓宇貸款,但我工作同月收入唔穩定,一般月入2.5萬元至3萬元。
我們有個聯名戶口,存款約10萬、而我個人戶口就大約有30萬元至40萬元。現手持匯豐1600股,打算長渣收息。
1)我想做返個月供股票計劃,想唔影響生活質素既情況下,應該每月幾多錢出來供會比較好?
2)假設我月供6000,我平均分配 2000/盈富基金,2000/比亞迪,1000/中電控股或匯豐,1000/中國平安或,呢個組合比例可行嗎?或者有冇其他建議?
3) 係而加仲有流動資金情況下,要唔要短線投資比亞迪?而家呢個價位適唔適合入市?
更多內容:【理財個案】合約教師的股票組合配置、【理財個案】40歲自顧人 應否賣樓打造4萬被動收入?
個案重點:
- 短炒蝕錢
- 剛買樓
- 收入不穩定
- 現金約50萬
- 持有1600股匯豐收息
- 月供股票供款額
- 月供股票比例是否合理
- 比亞迪適合短線入市?
2)當我地進行人生財富累積,會運用「先增值,後現金流」作方法,年輕人應投資較多增值類資產,而較年長的,則應投資較多保守類項目。所以月供應配置什麼性質股票,要視乎你年紀。
例如你是25-35歲較年青,我會建議你投資在平穩增長股+潛力股。
所以,匯豐(0005)這類收息股,就未必適合這年齡的人士。
平穩增長股︰恆基(0012)、中銀(2388)、港鐵(0066)、長建(1038)、領展(0823)。
潛力股︰安碩恒生科技(3067),中生(1177)或福壽園(1448),因為這些股票都以增值為主。
你所講的月供股票是優質的,都可以供。但要留意番盈富和平安是平穩增值類、中電控股和;匯豐是收息類(適合較年長人仕)、比亞迪是潛力股類。你要視乎番自已年齡,去選擇合適的投資組合。
3)投資任何股票,我都唔建議短炒。短炒根本是無法賺錢,我之前做銀行、證券行多年,見證大量客短炒全部都蝕錢,只有長線才能有錢賺。
因為投資股票其實就是投資企業,而企業成長需要時間。就算是優質股,中短期都會有股價上落,要長期先可以確保股價向上。
至於比亞迪(1211),你有貨可長線投資,但如果想加注,現價唔太建議。同埋唔建議短炒。
或者你可考慮月供:GX中國電車(2845),這基金的目標是追蹤Solactive中國電動車指數NTR「相關指數」表現緊密相關的投資回報。
持股中最重就係比亞迪A股(002594),中國因為能源問題,長遠一定要發展電動車,這是大方向,故此股有一定投資價值。潛力度是有的,但會比較波動,如投資宜慢慢分注,可長線。
相關
本文所提供的信息僅供一般參考之用,並不構成任何個人化的投資勸誘或建議。作者沒持有以上提及的股票。 HK MoneyClub (www.hkmoneyclub.com)