我27歲,單身同屋企人住,搵4萬元,以前要還grant loan,同大洗,月光族,直到2019年我的起心肝儲錢,果年我大約儲左15萬,同年我初初接觸股票,主要買正股,藍籌,加少少潛力股,印象中升到18萬到。
更多內容:【理財個案】33歲想擁3個物業可行嗎?
我個人比較急進,加上我身邊有朋友買牛熊,如是者,我又開始跟人玩,前排個市好波動,一開波,兩日已賺到唔少,以為好易贏錢。
之後心雄,結果學人玩過夜,結果買錯邊,一開市得番幾萬,我唔鋸,想快d追番,結果去買左些0.01元,幾接近回收的牛熊,結果我輸晒所有錢。
之後休息左幾日,見個市跌左好多,應該會反彈,因為未到出糧,我忍不住在信用卡透支5萬現金再買,結果果大市再插,我又輸晒,仲欠銀行錢。
之後2個月,我無再借錢,因為自覺這樣落去一定死緊,但為了快些還清卡數,我一出糧,就搵機會再買牛熊,雖然無輸掉全部,但都輸左20%至30%,結果拖慢了還錢進度。
我好迷惘,覺得自己好失敗,身邊有朋友好保守,但他們都勉強買到500萬元的樓,而自己雖然事業好順利,有專業資格,之後會升到4萬以上,但理財方面就差到極。
我好想改變現況,不想戶口永遠少錢,加上我自己都年紀不算輕,不想再這樣下去。
請問我而家應該點做?
我打算先不接觸任何投資先,盡快還清卡數,大約兩個月我會還清,之後我打算取消個証劵行戶口,遲些用番銀行買正股算,因為証劵行個app,實在太方便,太多資訊睇到,又好多槓桿產品可以玩,自問自己自制能力比較差,一睇又好想玩。
之後我想取消個串流報價佢,一來慳返幾百元,二來有串流,成日太貼市,又會手痕,還原基本步,價值投資,根本不用串流報價。
最後,想取消一些信用卡,留下一張方便自動轉帳算。
你有咩建議比到我?我還清卡數後,之後每月大約儲到2.8萬元,應該點運用好?
個案重點:
- 27歲
- 賭博心態投資
- 利用信用卡投資
- 想改變投資模式
- 怎樣長遠累積財富
我明白,呢個世界有些人能憑這些方法賺錢,但只是極少數,我過往做銀行同證券行,好明這點,而長期能賺錢的,大多是長線持有優質股的一群。
其實,好多年輕人都有你這類心態,但好多野要自己試過,先會死心,我講,你地唔會聽的。
你暫時停一停,唔好再投資先,呢段時間,你要睇10本有關巴菲特的書,明白點樣先最賺錢,之後先從新開始投資。
同埋,剪去所有的信用卡,之後唔好再借錢投資。
如果你抱有「我想好快賺翻所輸的」,就唔好投資。你要明白,投資是理財的其中一步,這是一個配置過程,你是將現金轉化為資產項,長線持有,到你好肯定自己明白這方法時,先再開始投資。
我地最重要是建立一個長期的「財富組合」,要優質,要平衡,要適合你的年齡與風險承受程度,建立後長期持有,不是買賣賺差價,而是成為你財富組合一部分。
如果你真心想累積財富,就由月供股票開始,以「儲股」的模式進行,不要再炒賣。
更多分析:
2022年美股投資格局主調
一隻增長力強勁的財務軟件股
美股看似風平 高增長股為何洶湧?
中概股風暴應對方法
恒指撈底的高勝算策略
有倍升動力的「先買後付」股
擁有強勁爆發力元宇宙平台股
有倍升潛力成為Tesla 2.0的電動車股
相關
本文所提供的信息僅供一般參考之用,並不構成任何個人化的投資勸誘或建議。作者沒持有以上提及的股票。 HK MoneyClub (www.hkmoneyclub.com)