龔成老師︰
若BlackRock BTC-ETF通過，相信是偏向利好Coinbase(COIN)。
因為BlackRock本身資產管理規模好大，有近8-9萬億美元。假設佢管理資產中，有5-6%投入BTC(以BTC市值5000億美元計)，相信已經有機會令BTC重回高位。
而且，估計有不少投資者(包括機構投資者)，都係想投資BTC，但無一個較穏陣的途徑。而家BlackRock架BTC-ETF，正好滿足到佢地架需求。
其次，如果BlackRock批到，相信陸續都會有其他公司出架BTC-ETF出現，令到BTC股價進一步提升。
所以，一般而言若ETF通過，對集團盈利是會有正面影響。
不過，你要留意翻以下幾點風險︰
1) Coinbase(NASDAQ:COIN)一般都會受惠於市場活躍和幣價上升，令正常交易收入和持有資產價值增加。但最終走向，唔一定跟幣價掛鈎。因為佢係有業務營運和監管風險存在，而且可交易和手上資產唔係得比特幣，仲有其他細幣，所以有機會最終走向會出現落差(股價變幅可以少於或多於比特幣)。
2) 過往都有類似BTC-ETF架產物，但市場反映都係較冷淡，所以實際參與的資金量未必如預期中咁理想。
3) ETF始終係未批，一切都存在變數。
4) 此股股價和業務不確定性，始終都係好高，投資時記緊嚴格控制注碼，只能投資一個全輸都唔會有大影響的金額。