20230725 能猜中夜期急升嗎?

20230725 港股能猜中急升嗎?
(原文在 騰訊啓示錄Patreon 博欄中)

在市場一些時間,見盡大部份人認為期指突然升500點應該有自己份,其實完全無關係,昨夜期昨晚21:50開始上升, 中共中央政治局會議指出要支持科網企業的通告昨天黃昏17:40左右已經發出,你話有關係又得,無關係又得.
有關係是,直觀認為有關係,中央都一再說明支持科網企業 (加上螞蟻金服完結在即), 科網股打壓潮近尾聲. 無關係又得, 17:40公布, 21:50才有反應?
以前我會說,不要跟車太貼,因為港股市場對一個消息的反應,不在第一時間出現,都在第二時間出現. 現在我會說,隨佢地出現及炒作,有時有些炒作消息,在8日9日後,甚至1,2個月後才炒作,你真的以為可以分析嗎?

如果以昨天港股先跌500點,夜期再炒升500點,相信人人都曾經試過”完美補捉”,我可以告訴你,只有一個原因,就是好運! 同時,在資金市場,間中一次半次成功炒作,又有何可以認咖的地方? 人人都試過啦.

再以昨天昨晚期指的走勢,極其量是RMB即市走弱指數跟隨弱,再跌破”期指位”繼而下沉. 老實講,昨天期指即市走勢,是可以計算到,以及真的成功即市追沽. 我亦都準備好今天Patreon文章主題一定要大力做好過美國議息,然後夜期彈500點, 你計到? 我當你計到, 17:40公布,又計到21:50爆發?

唔好玩啦!!!! 剛才已經講過,人生在世,一次半次成功”計算”,邊個唔會?!
原因只有兩個, 1) 純粹好運; 2) 事後話計到,純粹拿流量.

近一年我經常講流量,早兩年以美團等平台的流量作分析,現在我越來越發覺,香港人笨咗好鬼多, 又或者無助感令到香港人更需要依靠, 或推卸自身的責任, 希望”神力”之助更勝從前.

在港股身上,我一直說”低位不追沽,港股往往慢跌突破挾升,挾升追買又回落”的港股特性.

成編文章的核心,其實係想講,以短炒計,從分析角度,過兩日美國議息,再過兩日港股期指結自算,以一天兩天的炒作來講,純粹看自己”賭不賭”!

上文有講到,昨天我本來沾沾自喜準備今天分甘同味,大力做好,夜期已爆500點,短線還有值博空間嗎? 中伏率太高之下,一天兩天的,何必再進場呢?
再睇返我這裡講的期指位,期指,一直都在較窄幅區域.

美國股市,已經突破又突破,何必強方自己在港股呢?! 垃圾細價股反而有D睇頭,另文再分亨.