美聯儲一如預期按兵不動，不過最新利率點陣圖顯示，委員預計年底前將進一步加息，主席鮑威爾「鷹」氣逼人，表示將通脹持續降至2%的過程仲有好長嘅路要走，兼且從未打算就任何減息的時間發出訊號！受累美國債息繼續升，隔晚美國科技股捱沽，已經噚日收市轉咗弱勢紅燈嘅恒生科技指數果然要跑輸。
正當大家揸住嘅重磅科技股一路咁跌，牙痛咁聲，有冇諗過其實加息都有受惠股，淨係利息收入都肥仔水！用「EJFQ精明選股」篩選「淨負債權益比率」細過-40%，負值愈大，代表淨現金狀況更加明顯，配合埋近績嘅基本分析評分（F-Score）以及估值，符合以上條件嘅強勢股得番佢 － 中遠海運國際(00517)。
中遠海運國際可以話係市場上能見度最高嘅「高息受惠股」，手頭淨現金高達60.7億，上月公布嘅中期純利大增1倍，當中利息收益貢獻唔少，集團現金回報率為4.01%（2022年同期只係0.73%)。股價之前除完息後好硬淨，好息之徒不妨望多眼。
原文
你或許有興趣【港股投資】馬時亨：幾年冇見過人買股票賺錢，點會有人願意大額消費？【JPEX案】消息：警方已接觸香港所有電訊商，指示封鎖JPEX App及網站【美國議息】聯儲局維持息率不變，新鷹王誕生！【本港樓市】美議息前現跌價潮，鰂魚涌康怡花園2房再現6字頭【加密貨幣】JPEX案苦主損失十多億，議員、公眾質疑執法部門未盡責
如欲觀看更多相關文章，請瀏覽 Market Digest
